</TD></TR></TABLE>الجميع كان حزين جدا لقلة عدد الحاضرين فى حفل جرش كتير تصور انها فشلت وكتير كان صعبان عليه هانى انه فى عز فرحته بالنجاح المدوى لالبومه الجديد يلاقى ده رد الفعل من الجمهور ويمكن كان تأثرنا اكتر لحزن هانى.....بمعنى انه صعب علينا
اللى حيفكر شويه حيلاقى ان الدعايه كانت ضعيفه..وحيلاقى ان ظهور نتيجة الثانويه العامه فى صباح تلك الليله كانوا ليهم عامل كبير.....تفتكر كدة؟؟....ليه لأ
طب اللى حينقب اكتر وينبش فى الموضوع ويبحث....حيجد ان جمييييييييييييييع تذاكر الحفل كانت مباعه...طب ازاى....يبقى اذن الموضوع فيه إنَّ
الحكايه يا ساده يا كرام.. ان فيه شركه اسمها شركة (الجسر الذهبى) شركة (الجسر الذهبى) دى ضد اى فنان يغنى لفلسطين وللوطن وللهويه العربيه بشكل عام
لو بصيتوا حتلاقوا ان الفنانين (هانى شاكر) و (عاصى الحلانى) و (لطيفه)....هما تقريبا من كل نجوم المهرجان اللى بيغنوا لفلسطين ولمسألة الهويه العربيه دى مما اثار حفيظة شركة (الجسر الذهبى) دى
طب تعمل ايه عشان تنتقم من النزعه الوطنيه اللى فى قلوب المطربين دول
قامت بشراء جميييييييييييييييييع ما تبقى من تذاكر حفلات هؤلاء المطربين...وطبعا لما ييجى حد يشترى التذاكر يلاقى التذاكر نفذت....وفى نفس الوقت ييجى المطرب يغنى والفضائيات تصور يبقى المسرح خاوى من الجمهور
كارثه.....
يعنى يادوب اللى لحق يشترى تذاكر الحفل بالاضافه لحاملى الدعوات المجانيه ووو...هما اللى يبقوا موجودين فى المسرح ماهو كمان ماينفعش يبقى المسرح فاضى خالص ويطلع يغنى للآلات الموسيقيه
أضف الى ذلك كمان اداره المهرجان الضعيفه الهشه.....واللى للأسف كمان معاملتهم اقل ماتوصف بها انها رديئه وسيئه للغايه
تصوروا انهم وعدوا هانى بان الحفله تكون مسجله على قناة (الاردنيه) وتذاع مسجله على قنة (art موسيقى) طبعا كان وعد اجوف وتم اذاعة الحفل بث مباشر على (art موسيقى)...ضاربين بكل وعودهم لهانى عرض الحائط ده كمان بجانب ان الدعايه كانت (زفت)
ومع ذلك الجمهور اللى كان جاى عشان يدخل المسرح كانوا اكتر من عدد المقاعد الخاويه فى المسرح تقريبا...يعنى برضه جمهور هانى جاله واكبر دليل على كدة ان الفنادق اللى كان موجوده فى جرش كانت ممتلئه عن آخرها فى اليوم ده....والجمهور كان خارج القاعه باعداد رهيبه لكن ماعرفوش يدخلوا
وكان كلام هانى مع الاداره..طب مش انتو بعتوا التذاكر وخلاص؟؟..دخلوا الناس دى بقى اللى عاوزه تدخل دى مادام مفيش حد جه.....مارضيوش يدخلوا حد طب احنا كنا متفقين ان الحفل يذاع مسجل...ليه اذعتوه مباشر...برضه مفيش كلام
وطبعا هانى احتج على الوضع ده..وكان ميعاده يطلع يغنى الساعه (9:30)..ورفض طبعا يغنى..وفضلت الاداره تترجى الاستاذ هانى والاستاذ حسام خليل ان هانى يطلع يغنى لما كانوا حيبوسوا رجلهم....ساعه ونصف محايله على هانى عشان يغنى...وطبعا هانى كان رافض تماما انه يكون فريسه لكل اللى حصل ده.....لكن للأسف احترم جمهوره اللى جه مخصوص عشانه ومن بلاد تانيه كمان وطلع غناله برضه وكان عدد الحضور 3000 فرد....عددج جيد جدا.....لكن من وجهة نظر هانى مش من مستواه وتفاعل بشكل كبير مع هانى....واعضاء الاردن يشهدوا بكدة
بس للاسف اداره فى منتهى منتهى السوء...وعلى فكره دى اداره جديده غير اللى تعاملوا معاها الحفل الماضى
وكان فى نفس الوقت المطربه (لطيفه) على اتصال بهانى ومدير اعماله للوقوف على الجديد فى الوضع...وطبعا هانى حذرهم جميعا من الوقوع فى المخطط ده ولطيفه جت حذرتهم يا تفتحوا الباب لكل الجمهور يدخل الحفل يا مش حغنى ولا حاجى الحفل خاااالص
وطبعا عشان هانى كان اول مطرب...فـ (شرب) المقلب من شاهد عيان لموالي </TD></TR></TABLE></TD></TR></TABLE>
2007-12-06, 6:27 pm
